#1  
04-03-2020, 12:50 PM
مراقب عام
جدول سياحي لـ 7 أيام في طوكيو

جدول سياحي لـ 7 أيام في طوكيو


تعد طوكيو عاصمة اليابان واحدة من أجمل الوجهات السياحية التي تجذب العديد من الزائرين من كل بلاد العالم ، هتحس بمجرد وصولك لليابان بأنك في عالم اخر وعلشان السفر لليابان حلم ناس كتير عملنالك برنامج وجدول سياحي لزيارة اجمل معالم طوكيو السياحية .

تفاصيل برنامجك السياحي لرحلة ساحرة الى طوكيو - اليابان

اليوم الاول ( عمل جولة لزيارة بعض المزارات القريبة من بعضها في طوكيو )

- Sensō-ji Temple
دة أحد أشهر المعابد الموجودة فى طوكيو الخاصة ديانة الشنتو أحد أكبر الديانات فى اليابان

- Tokyo Skytree
أحد اطول الابراج فى العالم وبتشوف منة طوكيو كلها

http://www.tokyo-skytree.jp/en/

- Tsukiji fish market

ودة اكبر سوق السمك فى اليابان ومن احلى الاماكن تاكل فيها سوشي وفية الصبح بدري المزادات اللى بتعمل على أسماك التونة العملاقة

-Imperial Paplace
دة القصر بتاع الملك وفية أماكن جميلة جدا للصور وحدائق جميلة جدا

- Akihabara
ودية اشهر منطقة الإلكترونيات والألعاب الإلكترونية وعالم Anime فى طوكيو وتحس وانت ماشي فيها انك فى فيلم كرتون

https://www.japan-guide.com/e/e3003.html


اليوم الثاني ( الاستمتاع بسحر Disneysea & disneyland )

- Tokyo Disneysea & disneyland

Disneysea

ودة حاجة تنفرد بيها طوكيو على مستوي العالم لأنها مش موجودة الا فى طوكيو وتبع شركة Disney
هيا تختلف عن disneyland انها مدينة ملاهي فيها بعض الالعاب للكبار على عكس disneyland

- وفي رأينا أن disneyland كفاية تزورها مرة واحدة فى العمر فى اى مكان على مستوي العالم الا لو كان معاك اطفال هتبقى مناسبة ليهم اكتر من ضمن الحاجات المفيدة أن مدن الملاهي المشهورة فى اليابان بتبقى زحمة جدا بالتالى ممكن waiting time علشان

تلعب لعبة واحدة يوصل لساعتين ونصف فبة برامج موجودة للموبايل بتجبلك live waiting time للألعاب علشان تعرف تخطط وقتك للاستفادة القصوي


اليوم الثالث ( الاستمتاع بزيارة حديقة حيوانات طوكيو والاستمتاع بجولة لأحياء طوكيو )

- زيارة حديقة حيوانات Ueno zoo هيا حديقة متواضعة ولكن يميزها وجود الباندا تذكرتها تقريبا ١٠٠ جنية وبعد كدة زيارة لإحياء طوكيو المتعددة واللى كل حاجة فيهم بتشتهر بحاجة مختلفة زى

Shibuya - ginza

- ومدينة Yokohama تبعد نصف ساعة بالقطر عن طوكيو وفيها أكبر مدينة China Town


اليوم الرابع ( ممارسة بعض الانشطة الترفيهية كالتزحلق علي الجليد وركوب التليفريك )

وهنا بداية استخدام Tokyo wide pass(تذكرة لمدة 3 ايام لطوكيو وبعض المدن القريبة عدد لا نهائى من المرات ودي هتبقي مفيدة جدا هتقدر تلف بيها اماكن كتيرة جدا اسمها Tokyo wide pass)

- Yuzawa snow resort

ودة منتجع للتزحلق على الجليد يبعد عن طوكيو ساعتين وبتروحه بالقطر الطلقة اسمة shinkansen train ودية هتكون تجربة ممتعة وفريدة من نوعها بالنسبة لأي حد يجربها ومن اكتر الأيام الجميلة هناك

تقدر تزحلق على الجليد أو مجرد تروح وتركب التلفريك وتطلع لاعلى قمة الجبل وتاخد صور جميلة وتقضي وقت ممتع وسط التلج

https://gala.co.jp/winter/english/


اليوم الخامس ( زيارة جبل فوجي او اشهر مدن الملاهي فى اليابان )

اليوم الثاني لاستخدام Tokyo wide pass

- ودة كان الهدف منه زيارة منطقة جبل فوجي الغنى عن التعريف ودية منطقة فيها اكتر من بحيرة ممكن تتلف فى يوم بالاتوبيس وفيها بعض المزارات زى الكهوف والشلالات

- او زيارة واحدة من أشهر مدن الملاهي فى اليابان واسمها Fuji Q-highLand ودية فيها مجموعة من الألعاب الصعبة جدا جدا للناس اللى بتحب rollercoaster وفية اكتر من مكان تاخد صور واضحة جدا لجبل فوجي عن قرب بجانب الاستماع بمنظر الجبل وانت بتلعب الالعاب دية

ولمعلومات اكثر عن المدينة

https://www.fujiq.jp/en/attraction/


اليوم السادس ( الاستمتاع بجولة لاشهر المعابد اليابانية في طوكيو)

ودة اخر يوم فى استخدام wide pass

- ودية ممكن تروح فيها بعض المناطق الأثرية الخاصة بالمعابد اليابانية

زي منطقة Nokogiriyama ودة جبل عالى بتطلع بالتلفريك فية اكبر تمثال بوذا فى اليابان وبعض التماثيل الاخري بس المشي فوق عاوز صحة لأنك هتمشي كتير جدا

- وبعد كدة تروح منطقة اسمها Kamakura وهي منطقة سياحة مشهورة جدا بالمعابد وتحس فيها بالتراث اليابانى

وبالمناسبة هناك هتلاقي لأول مرة محل بيعمل اكل حلال فى اليابان وصاحبة واحد مغربي مقيم هناك فى اليابان بيعمل شاورما حلوة جدا


اليوم السابع ( يوم السفر )

هتعمل checkout الصبح بدري من الهوستل ولو طيارتك بليل ممكن تروح منطقة فى طوكيو اسمها Odaiba ودية عبارة عن جزيرة صناعية فيها بعض المولات ومعرض شركة تويوتا للسيارات

https://www.japan-guide.com/e/e3008.html

واخيرا هترجع الهوستل تاخد الشنط وتطلع علي المطار وترجع لبلدك بعد ما تكون قضيت اسبوع وعملت برنامج سياحي رائع وعيشت فى عالم تانى بدون مبالغة

اليابان فعلا دولة تستحق الزيارة لو مرة واحدة فى العمر

الموقع دة أحد المواقع الرائعة اللى ممكن اى حد عاوز يسافر اليابان يجب معلومات منه

https://www.japan-guide.com/

ملاحظات بخصوص السفر الي اليابان

- الشعب اليابانى لا يجيد التحدث بالإنجليزية ولكنه يحاول يساعدك على قد ما يقدر

- شبكة المترو معقدة جدا وعاوزة وقت وبعض البرنامج على الموبايل علشان تعرف تتحرك فيها بسهولة

- يوجد تذكرة قطار اسمها Japan rail pass ودية تقدر تلف اليابان من شرقها لغربها وتركب اى قطر فيها بس دية لا ينصح بيها للى مسافر اول مرة لان معظم الوقت هيبقى فى طوكيو أو بالقرب منها

- طبعا مستوى النظافة عالي جدا جدا جدا

ملحوظة اخيرة

رأي شخصي : طوكيو ليست للسفر العائلى لأنها هتكون مكلفة جدا احسن حاجة السفر فى مجموعة هتوفر كتير فى النفقات وليست أيضا للسفر لقضاء شهر العسل

رد مع اقتباس

Powered by vBulletin® Version 3.8.11
Copyright ©2000 - 2020, vBulletin Solutions, Inc.